ХЌХїХёЦЂХЎХЈЦЂХѕХҐЦЃ Х°ХЎХґХЎХїХҐХІ Х®ЦЂХЎХЈХ«ЦЂ

Երևան, 31 հուլիսի 2009թ. - Այսօր ՀՀ աշխատանքի և սոցիալական հարցերի նախարար Գ. Պետրոսյանը, ՀՀ ազգային վիճակագրական ծառայության պետ Ս. Մնացականյանը, ՄԱԿ-ի մշտական համակարգող/ՄԱԶԾ մշտական ներկայացուցիչ Կ. Վիդալը, ՊՀԾ ներկայացուցիչ/գրասենյակի տնօրեն Ա. Մահան, ՄԱՄՀ-ի ներկայացուցիչ Լեյլի Մոշիրին ստորագրեցին  համատեղ ծրագիր: ԱՄՀ-ն տեխնիկական աջակցություն կցուցաբերի տվյալների վերլուծության հարցում:

Հայաստանի Հանրապետության կառավարությունը ՄԱԿ-ի հայաստանյան թիմի աջակցությամբ երկրի 11 մարզերում, այդ թվում' Երևանում, 2009թ. հուլիսից իրականացնելու է  4248 տնային տնտեսությունների վրա ֆինանսական ճգնաժամի ազդեցության մակարդակի նախնական իրավիճակի հետազոտություն։ Ազգային գործընկերներն են ՀՀ ազգային վիճակագրական ծառայությունն ու ՀՀ աշխատանքի և սոցիալական հարցերի նախարարության աշխատանքի և սոցիալական հետազոտությունների ազգային ինստիտուտը, որի  մանդատը նախարարությանը և այլ պետական գերատեսչություններին փաստերի վրա հիմնված առաջարկությունների տրամադրումն է' սոցիալական պաշտպանության ոլորտի քաղաքականության և ծրագրերի մշակման նպատակով:

Ծրագրի հիմնական արդյունքները կլինեն.

• ազգային սոցիալական մոնիտորինգի արդյունավետ ու գործուն համակարգի ստեղծումը, որը որոշում ընդունող մարմիններին հնարավորություն կտա ոչ միայն վերլուծել տնային տնտեսությունների կարիքավորության ներկա իրավիճակը, այլև առաջիկա մեկ և կես տարիներին իրականացնել պարբերական մշտադիտարկում
• ֆինանսական ճգնաժամի հետևանքով Հայաստանում ստեղծված աղքատության ու եկամուտների անհավասարության նվազեցումը:

Ծրագրի իրականացումը մեծապես կնպաստի ճգնաժամի սոցիալական հետևանքների բացահայտմանը, կանխարգելմանն ու հաղթահարմանը:

<<ՄԱԿ-ի և ՀՀ կառավարության միջև  վերջերս ստորագրվել է  □ՄԱԿ-ի զարգացման աջակցության շրջանակը 2010-2015թթ.□ համագործակցության ծրագիրը: Խոցելի տնային տնտեսությունների վրա ճգնաժամի ազդեցության գնահատման միասնական ծրագիրը և Հազարամյակի զարգացման նպատակների շրջանակներում Հայաստանի առաջընթացի վերաբերյալ զեկույցը, որը շուտով կամփոփենք, կհանդիսանան ամուր հիմք առաջիկա 6 տարիների ընթացքում ՄԱԿ-ի զարգացման աջակցության շրջանակի իրագործման համար, որն ուղղված է խոցելի խմբերին' աղքատներ, կանայք, երեխաներ, հաշմանդամներ, տարեցներ և փախստականներ: Համատեղ ծրագիրը ևս մեկ օրինակ է ընդհանուր նպատակի համար Հայաստանում ՄԱԿ-ի համակարգի միասնական աշխատանքի>> - իր խոսքում նշեց ՄԱԿ-ի  մշտական համակարգող/ՄԱԶԾ մշտական ներկայացուցիչ Կ. Վիդալը:

<<Կառավարությունը ձեռնարկել է անհրաժեշտ քայլեր' պահպանելու սոցիալական ծախսերի համար բյուջեից հատկացվող գումարները: Սակայն հարկ է միջոցներ ձեռք առնել' տնտեսական ճգնաժամով պայմանավորված խնդիրները կանխարգելելու, համապատասխան լուծումներ տալու և ոլորտի հետագա զարգացումն ապահովելու համար: Վստահ եմ, որ մեր համագործակցությունը կշարունակի նպաստել սոցիալական պաշտպանության ոլորտում իրականացվող բարեփոխումների գործընթացին և առկա ռեսուրսների նպատակային օգտագործմանը>>,- նշեց ՀՀ աշխատանքի և սոցիալական հարցերի նախարար Գ. Պետրոսյանը: